ไร่นาสวนผสมคอนโดเก้าชั้น

จากหัวข้อ บ่แมนไปเฮ็ดสวนเทิงคอนโดเด้ครับ ที่ว่าคอนโดเจ็ดชั้นนี่คือ ปลูกต้นไม้พืชผักให้มันครบเจ็ดชั้นคือคอนโดโดยใช้พื้ นที่หน่อย ๆ คือจั่งเขาสร้างคอนโด คือใช้พื้นที่ให้มันเป็นประโยชน์เต็มที่ที่สุด
(บทความนี้เขียนเป็นภาษาพูดอีสานนะครับ)

1. ทรัพยากรณ์น้ำ นับเป็นปัจจัยสำคัญอันดับแรกของงานนี้ ที่นาจำนวน สามสิบ ไร่ ที่วางแผนไว้ ทำเลอยู่ไกล้แหล่งน้ำใหญ่ประจำหมู่บ้าน แต่บ่ได้อยู่ติดขอบหนอง เลยคิดหาวิธีการนำน้ำมาใช้โดยบ่ต้องเสียพลังงานหรือบ ่ต้องมีค่าใช้จ่ายหลาย หล่ากะเลยคิดไปว่า มีหนองใหญ่ต้องมีน้ำใต้ดินหลาย เมื่อมีน้ำใต้ดิน ที่เฮากะต้องอยู่ในเขตนั้น จะเอาน้ำใต้ตินมาใช้ต้องเจาะบาดาน สูบน้ำขึ้นมาพักไว้ โดยใช้พลังงานลม โดยสร้างกังหันลมสูง ๆ ใช้ปั่นน้ำหมดมื่อเหมิดค่ำ ขึ้นมาพักไว้ในสระที่ขุดเตรียมไว้ ตรวจสอบคุณภาพน้ำสม่ำเสมอ ก่อนสิปล่อยเข้าแปลงนา หรือ ไร่ สวน สร้าง หอคอยแท้งน้ำไว้ส่งน้ำทางท่อ กังหันลมกะสามารถเลือกท่อได้ว่าจะ สูบน้ำบาดาลมาสระน้ำ หรือสูบจากสระน้ำขั้นแท้ง หรือ สูบลงร่องนา สวน ไร่ เป็นอันหมดปัญหาเรื่องน้ำแล้วครับ

- คอนโดชั้นใต้น้ำ (ขี้ตม) ปลูกหัวบัว กระจับ แห้ว
- คอนโดชั้นใต้น้ำ เลี้ยงปลา
- คอนโดชั้นผิวน้ำ บัวใหว้พระ ฝักบัว
- คอนโดชั้นเหนือน้ำ เลี้ยงไก่ไข่
- คอนโดชั้นใต้ดิน ปลูก หัวซิงไค ขิง ข่า กระชาย ถั่วดิน มันหัวต่าง ๆ
- คอนโดชั้นเหนือดิน ปลูกพืชล้มลุก บักเขียเคีย บักแข้ง บักเขือ บักพริก หอม กะหล่ำ ผักกาด ฯลฯ เลี้ยงหมูขุดหลุมไว้ข้าง ๆ คอก ล้างเอาขี่มันมาลงหลุมหมักด้วยจุลินทรีย์ สิบมื่อ เอาไปหดให้มันทั่วสวนเด้อครับ สิบมื่อสูบหดเถี่ยนึงกะพอ
- คอนโดชั้นลอย ปลูกข้าว ครับ ปลูกข้าวมีต่ออยู่ท้ายปลูกได้ปีละสี่เถี่ย*
- คอนโดชั้นสอง ปลูกไม้ผล หมากสีดา บักหมี่ บักม่วง ทุเรียนเงาะ ลำใย
- ปลูกพริกไทยเขียว (ผัดพริกไทยอ่อน)ใส่ต้นไม้ใหญ่ให้มันเลื้อยไปเรื่อย

ฮ่วย มันเก้าชั้นแล้วตั้วนิ คอนโดข่อยนิ ไปเปลี่ยนชื่อหัวเรื่องก่อน

หมุนเวียนเก็บขายครับ
- พวกหัวข่าใบบักกรูด ตระใคร้ พริก กับพวกเครื่องแกงกะเฮ็ดทุกมื่อ มัดเป็นกำขายส่งแผงผัก สองกำห้าบาท เฮ็ดให้ได้ สี่ร้อยกำ ต่อมื่อ ได้เงิน สองร้อยเป็นค่าแรงรายวัน ได้ทุนแล้วครับ
- พริกกระเหลื่ยงพริกชี้ฟ้า ขายได้อยู่ดอกมื่อละสองสามโล ห้าสิบ-ร้อยบาท
- หอม ผักต่าง ๆ มัดเป็นกำ หรือขายเป็นโลกะตามแต่อีก มื่อละ ร้อย
- พวกพืช อื่น ๆ กะเก็บขายตามฤดู และรอบผลผลิต พวกนี้จะได้เป็นเงินก้อน เดือนละ ครั้ง เนื่องจากเฮาปลูกหลายแนว กะสิได้อยู่เดือนละสองรอบ เป็นเงินรอบละ สามสี่พัน
- ไข่ไก่ แล้วแต่ว่าสิเลี่ยงหลายบ่ ได้ทุกมื่อครับ
- หมู แรก ๆ กะเลี้ยงขุนขายเนื้อ ถ้าขยายได้ดีแล้วกะเลี้ยงขายหมูน้อย อันนี่สิได้เงินก้อนครับสามเดือน แสนกั่วรายได้กะตกเดือนละสามหมื่นกั่ว หักค่าใช้จ่าย ครึ่งนึงเหลือ หมื่นห้า หาไสได้ล่ะครับเทียบเท่าเฮ็ดงาน office ในกรุงเทพแล้ว นี่ยังบ่รวมหมู่รายวันที่เฮาขายผักกำ อีกเด้

มาว่าเรื่องการปลูกข้าว หล่าว่าปลูกได้ปีละสี่เถี่ยน่ะ บ่แมนเว่าโพดให้ปลูกรอบแรกพร้อมกับชาวบ้านเขา คือปลูกข้าวไว้กิน ให้มันม่มปี ถ้าเฮากำลังเริ่มต้นนี่กะอาจสิได้สักสามรอบต่อปีครับ แนวเฮาบ่มีปัญหาเรื่องน้ำแล้วเฮ็ดหยังกะได้ ยกประโยชน์ให้กังหันลมเฮาครับ

วิธีที่สิ เฮ็ดนาให้มันได้ปีละ 4 - 5 รอบกะคือ ต้องเฮ็ดโรงเรือนสำหรับปลูกข้าว เฮาบ่ต้องเฮ็ดหลายเดะครับ เฮ็ดแค่ 1-2 ไร่ กะพอ สร้างโรงเรือนตาข่ายถี่ ครอบเลยครับ เนื้อที่ 1-2 ไร่ เฮานี่ล่ะดินนิต้องบำรุงให้มันเป็นขี้ตมเลนคือแถวภาค กลางเขาเฮ็ด ขี่หมูหมักจุลินทรีย์เฮานี่ล่ะ กับปุ๋ยคอก ให้เริ่มปลูกรอบแรกพร้อมกับชาวบ้านเขา พอเกี่ยวแล้วไถกลบเฟียง ปล่อยน้ำเข้าขัง เอาจุลินทรีย์หว่าน หมักไว้ หนึ่งสัปดาห์ ปล่อยน้ำออกให้เหลือแต่เลน คราด แล้วกะดำ ต้องดำเอาครับห้ามหว่าน บำรุงลงไปบัดนิ แนวนา สองไร่เนาะ พึ ออกพอปานหยัง แรก ๆ เฮาอาจจะได้แค่สามรอบต่อปี
แต่เทคนิคที่เฮ็ดให้เฮาเฮ็ดนาได้หลายรอบกั่วนั่นเฮาต ้องอาศัยเทคโนโลยีครับ คือ สร้างระบบแสงสว่างให้ต้นข้าวเลย เปิดสปอตไลด์เดไลท์ ครับ คือหลอดแบบแสงธรรมชาติ ปกติต้นข้าวเฮานิ สิเติบโตได้ตลอดเวลาถ้ามีแสงแดดครับ เฮาแค่จัดการระบบพลังงานในการเปิดไฟให้ต้นข้าว คือ ต้องเป็นพลังงานที่บ่ต้องซื้อหรือราคาถูก ผมกะมองเห็น แสงแดดแหล่วครับ ใช้ แผงโซล่าเซลล์ เก็บพลังงานไว้ยามเว็นไปเปิดยามคืน เพิ่มแสงให้ข้าว ไปอีก ครึ่งคืน หรือประมาณตี 1 กะเท่ากับว่าต้นข้าวเฮาเจริญเติบโตได้เพิ่มขึ้นอีก 50 % เลยที่เดียว จากที่ต้องใช้เวลาปลูก สี่เดือน กะเหลือแค่บ่ถึงสามเดือนครับ เทคโนโลยีนี่ประเทศญี่ปุ่นเขาเฮ็ดอยู่ เพราะพื้นที่เพาะปลูกเขาหน่อย ส่วนค่าใช้จ่ายเรื่อง อุปกรณ์โซล่าเซลล์กะ เริ่มต้นประมาณ 3-4 แสนบาทครับ อายุการใช้งาน แบทเตอรี่ กะประมาณ 5 ปี รวมหลอดไฟ กะ เฉลี่ยแล้วตกปีละ สี่หมื่นกั่ว ๆ บ่หลายครับ คุ้มต่อการลงทุนเนื่องจากเฮาสามารถผลิดข้าวได้นอกฤดู ครับ ราคาจะงาม
ตก ปีละหกแสนค่าขายข้าว ห้าปีคืนทุนครับ

รายได้ตกเดือนละ เกือบสามหมื่นเด้อพี่น้อง แต่ต้องเฮ็ดต้องทำ จ้างไทบ้านเฮาเฮ็ดซ่อยกะได้เป็นการกระจายรายได้ไปอีกทาง หาไสได้ครับ เดือนละ 30000 เด้อ

credit: http://www.baanmaha.com/community/thread18052.html